Novos complementos dende Roma

Presentámosvos o traballo dunha italiana licenciada en escultura recén chega a Ela Diz. Sandra caracterízase pola utilización de materiais simples unidos a deseños sofisticados.

O seu traballo pódese atopar en galerias, museos e boutiques repartidos por todo o mundo, entre os que destacan o Moma, e o Guggenheim e entre os seus admiradores a Pedro Almodovar ou Enzo Mari.

Todas as súas coleccións reinterpretan as técnicas tradicionais italianas con materiais máis contemporáneos e centrandose no deseño.

Espero que vos guste tanto como a nós, quizais porque ademais de admirar o seu traballo quedamos prendados da súa forma de ser. Grazas por todo Sandra e ata pronto!